தமிழ்ப்பெயர் சூட்டும்போது பிறமொழிச்சொற்களை அறிய

தமிழ்ப்பெயர் சூட்டுவோம் - பிறமொழிச்சொல் என அறிய ....

குழந்தைகளுக்கு/ இல்லங்களுக்கு/ நிறுவனங்களுக்கு நல்ல தமிழ்ப்பெயர் சூட்டுங்கள்!  பிறமொழிச்சொல் என அறிய ....

1. ஜ, ஷ, ஸ, ஹ, க்ஷ முதலிய

கிரந்த எழுத்துகள் வரின் பிற மொழிச் சொல் என ஒதுக்குக.

2.தமிழில் ஒற்றெழுத்துகள் சொல் முதலில் வரக்கூடாதவை. அவை தமிழ்ப்பெயர்கள் அல்ல.

ஒற்றெழுத்துகள் : மெய்யெழுத்துகள்... க்.....ன்.

X க்ரியா
X ப்ரியா
X ட்ரூமென்
x த்ரிஷா
X ந்த்ரா

3. உயிர்மெய் எழுத்துகளில் மொழிக்கு (சொல்லுக்கு) முதலில் வரக்கூடாத ட, ண, ர, ல,ழ,ள, ற,ன வரிசையில் வருவன முதல் எழுத்தாக வந்தால் அச்சொற்கள் தமிழ் அல்ல.

இவ்வெழுத்துகளில் தொடங்கும் பெயர்கள் தமிழில்லை.

எ.கா.:
x டார்ஜான்
x டில்லிபாபு,
X லட்சுமி,
x லாவன்யா
X லேசு.
x ரம்யா,
x  ராக்கி, 
X ரோசி

4. ச கர வரிசை எழுத்துகளில்
சங்கம், சங்கு, சடை, சமர், சாமை, சிலை, சீலை, ,செரு, சேர், சொல், சோறு எனும் தமிழ்ச் சொற்கள் இருப்பினும், பிறமொழிச்சொற்கள் பல புகுந்துள்ளன.

எ.கா.:
x சண்முகம்,
X சந்திரா,
x சாவித்திரி,
X சீத்தா / சீதா,
x சுப்பிரமணியன்,
x சுந்தரம்,
x செமினி,
X சேது.

5. சகர மெய் ஐ, ஒள என்ற உயிர் எழுத்துகளுடன் சேர்ந்து வரும் சை, சௌ எனும் உயிர்மெய் எழுத்துகளில் தொடங்கும் சொற்கள் அறவே தமிழில்லை.

x சைமினி,
x சைமன்
X செளமியன்
X சௌந்தர்யா.

6. ய கர வரிசை எழுத்துகளில் *யா என்ற நெடில் மட்டுமே சொல்லுக்கு முதல் எழுத்தாக வரும். பிற ய கர வரிசை எழுத்துகளில் ஒரு சொல் தொடங்கினால் அது தமிழ் இல்லை.

எ.கா.:
x யவனி,
X யவனராணி
X யுகன்,
X யூகி,
X யோகம்
X யோகிசுவரன்.

7.சொல்லின் இறுதியில் க்ச்ட்த்ப்ற் என வல்லின மெய் 6, ங், ஞ், ந், வ், ....... 4 என்னும் பத்து எழுத்துகளும் வரக்கூடாது. இவை இறுதியாக வரின் தமிழ்ச் சொல் அல்ல.

x விவேக்
x சரச்
x பட்
x ரஞ்சித்
x அரிகந்
X பிரதாப்
x பீம்சிங்
X அபிநவ்

பேராசிரியர் முனைவர்.தஞ்சை பா.இறையரசன் 

தமிழ் எழுச்சிப் பேரவை

கருத்துரை அறிஞர் குழு - உலகத் தமிழ்ப்பெயர்கள் இயக்கம்