தமிழிசையின் அரிய நூல்கள்!

கருணாமிருத சாகரம்:
இந்நூலை இயற்றியவர் மு.ஆபிரகாம் பண்டிதர். இசைத் தமிழ் வரலாற்றையும் ஒலித் தத்துவத்தையும் கூறும் நூலாகும்.

பஞ்ச மரபு:
இதனை எழுதி யவர் அறிவனார். இந்நூல் வாச்சிய மரபு, தாள மரபு, நிருத்திய மரபு, இசை மரபு, அவிநய மரபு என்ற ஐந்து மரபுகளை விவரித்துக் கூறும் நூலாகும்.

யாழ் நூல்:
இந்நூலை எழுதியவர் விபுலானந்தர். இசைத் தமிழிற்குரிய நுணுக்கங்களைத் தெரிவிக்கும் கருவியான யாழைப் பற்றி முழுமையாக அறியக்கூடிய நூலாகும்.

சிலப்பதிகாரத்து இசை நுணுக்கம்:
எழுதியவர் சங்கீதபூஷணம் எஸ்.ராமநாதன். அரும்பதவுரை ஆசிரியரும் அடியார்க்குநல்லாரும் கூறிய கருத்துக்களை ஆய்வு செய்து எழுதிய நூலாகும்.

சுருதி வீணை:
எழுதியவர் விபுலானந்தர். இந்நூலில் ஒலிகளின் ஒலிப்புகளையும் அதிர்வுகளையும் தனித்தன்மையையும் பரிவு சப்த அலைகள் பற்றியும் விளக்கப்பட்டுள்ளது.

பூர்வீக சங்கீத உண்மை:
நாகசுர வித்வான் மதுரை  எம்.கே.எம். பொன்னுசாமிப்பிள்ளை அவர்களால் எழுதப்பட்டது. பன்னிரண்டு ஒலி நிலைகளை வைத்து 32 பாலைகள்தான் இசைத் தமிழுக்கே உரித்தானது என்று பல சான்றுகளைக் கூறி நிறுவி உள்ளார்.