டிப்ஸ்... டிப்ஸ்.. - 01

புதிய மண் பானையில் சமைக்கும் போது
புதிதாக மண் பாத்திரம் வாங்கி சாதாரணமாக கழுவி விட்டு சமைத்தால் உணவில் மண் வாடை வரும். அதற்கு அந்த மண் பாத்திரத்தின் உட்பகுதியில் எண்ணெய் தடவி அடுப்பைக் குறைந்த தணலில் வைத்து இரண்டு மூன்று முறை சூடுபடுத்தி விட்டு மண்பானையையும் கழுவிப் பயன்படுத்தினால் மண் வாசனை உணவில் வராது. விரிசலும் ஏற்படாது.

சமையலில் செய்யக்கூடாதவை
1. காபிக்கு பால் நன்றாக காயக்கூடாது.
2. மோர்க்குழம்பு ஆறும் வரை மூடக்கூடாது.
3. கீரைகளை மூடிப்போட்டு சமைக்கக்கூடாது.
4. ரசம் அதிகம் கொதிக்ககூடாது.
5. காய்கறிகளை ரொம்பவும் பொடியாக நறுக்கக்கூடாது.
6. தக்காளியையும், வெங்காயத்தையும் ஒன்றாக வதக்கக்கூடாது.
7. பிரிட்ஜில் வாழைப்பழமும், உருளைக்கிழங்கும் வைக்கக் கூடாது.
8. பெருங்காயம் தாளிக்கும் போது, எண்ணெய் நன்றாக காயக்கூடாது.
9. தேங்காய்ப்பால் சேர்த்தவுடன், குழம்பு அதிகமாக கொதிக்கக்கூடாது.
10. குலோப்ஜாமூன் பொரித்தெடுக்க நெய்யோ, எண்ணெயோ நன்றாக காயக்கூடாது.
11. குழம்போ, பொரியலோ, அடுப்பில் இருக்கும் போது கொத்தமல்லி இலையை போடக்கூடாது.

மெதுவடை மொறுமொறுப்பாக இருக்க

1. மெது வடை உப்பலாகவும் மொறுமொறுப்பாகவும் வேண்டுமென்றால் உளுந்தை  இரண்டு மணி நேரத்திற்கு மேல் ஊற விடக்கூடாது.

2. உளுந்தை அரைக்கும் போது சிறிது சிறிதாக தண்ணீர் சேர்த்து அரைக்க வேண்டும்.

3. மாவை வடையாக போடுவதற்குமுன் மாவில் இரண்டு  தேக்கரண்டி ரவை சோர்த்து வடையாக பொறித்து எடுத்தால் வடை உப்பலாகவும் மொறுமொறுப்பாகவும்
இருப்பதோடு வடை ஆறிய பின்னும் மொறுமொறுப்பு குறையாது....