சில்லி சிக்கன் குழம்பு (Chilli Chicken Curry)

தேவையானவை :

சிக்கன் - அரை கிலோ

வெங்காயம் - 1

கொத்துமல்லி - சிறிது

இஞ்சிபூண்டு விழுது - ஒரு டீஸ்பூன்

கறிக்குழம்பு கரம் மசாலா - ஒரு டேபிள் ஸ்பூன்

தக்காளி - 1

பூண்டு - 6 பல்

தயிர் - அரை கப்

மஞ்சள்த்தூள் - 1/2 டீஸ்பூன்

மிளகாய்த்தூள் - 1 டீஸ்பூன்

குடைமிளகாய் - 2 

பச்சை மிளகாய் - 2

உப்பு - ஒன்றரை டீஸ்பூன்

செய்முறை:

1.சிறுசிறு துண்டுகளாக நறுக்கிய சிக்கனை தயிர், அரை டீஸ்பூன் உப்பு மற்றும் மஞ்சள்த்தூள், கலந்து பிரிட்ஜில் அரை மணிநேரம் வைக்கவும்.வெங்காயம், தக்காளி, குடைமிளகாயை நறுக்கிக்கொள்ளவும்.பச்சைமிளகாயை கீறிக்கொள்ளவும்.

2.ஒரு கடாயில் எண்ணெய் காய்ந்தவுடன் வெங்காயம் மற்றும் பச்சைமிளகாயைச் சேர்த்து வதக்கவும்.வெங்காயம் வதங்கியவுடன் இஞ்சிபூண்டு விழுது சேர்த்து பச்சை வாசனை போகும் வரை வதக்கவும்.பிறகு பிரிட்ஜில் வைத்துள்ள சிக்கனை போட்டு ஐந்து நிமிடம் வதக்கவும்.இதனுடன் தக்காளி சேர்த்து வதக்கவும்.

3.கடாயில் தக்காளி வதங்கியவுடன் மிளகாய்த்தூள் சேர்த்து கிளறி மூன்று கப் தண்ணீர் ஊற்றவும்.தண்ணீர் கொதிவந்தவுடன் குடைமிளகாயைச் சேர்க்கவும்.சிக்கன் வெந்தவுடன் நறுக்கிய பூண்டுடன் கோழிக்குழம்பு கரம் மசாலாத்தூள் சேர்த்து குழம்பில் கலக்கவும்.கொத்துமல்லி தூவி இறக்கவும்.