முட்டை புலாவ் (Egg Pulao)

தேவையானவை :

பாசுமதி அரிசி - 2கப்

முட்டை - 3

நெய் - 4 ஸ்பூன்

தேங்காய் பால் - 1கப்

மஞ்சள் தூள் - 1/4 ஸ்பூன்

கரம் மசாலா தூள் - 1 ஸ்பூன்

தக்காளி கூழ் - 1/2 கப்

மிளகாய் தூள் - 1 ஸ்பூன்

கிராம்பு, ஏலக்காய், பட்டை - தலா 3

சின்ன வெங்காயம் - 1/2 கப் (பொடித்தது)

புதினா, கொத்தமல்லி தழைகள் - 1/2 கப் (பொடித்தது)

செய்முறை:-

1.ஒரு அடி கனமான பாத்திரத்தில் நெய் ஊற்றி அது சூடானதும் கிராம்பு, பட்டை, ஏலக்காய் போட்டு தாளிக்கவும்.அதனுடன் 1மணி நேரம் ஊறவைத்த பாசுமதி அரிசியை சேர்க்கவும். அரிசியில் உள்ள நீர் வற்றும் வரை வதக்கவும்.இக்கலவையுடன் தேங்காய் பாலுடன் 1கப் தண்ணீர், உப்பு சேர்த்து குக்கரில் வேக வைத்து எடுத்துக்கொள்ளவும். சாதம் உதிரிஉதிரியாக இருக்க வேண்டும்.

2.ஒரு பாத்திரத்தில் முட்டை மற்றும் உப்பு சேர்த்து லேசாக நுரை வரும் வரை அடித்து வைத்துக் கொள்ளவும்.வாணலியில் நெய் ஊற்றி வெங்காயம், மிளகாய் தூள், மஞ்சள் தூள், கரம் மசாலா தூள் ஆகியவற்றை சேர்த்து பச்சை வாசனை போகும் வரை வதக்கவும்.இதனுடன் புதினா, கொத்தமல்லி தழைகளைச் சேர்க்கவும். அதனுடன் முட்டை ஊற்றி சட்டென்று கிளறி அடுப்பிலிருந்து இறக்கவும்.இக்கலவையுடன் சாதத்தை சேர்த்து நன்கு கலந்து சூடாக பரிமாறவும்.