நாஞ்சில் மீன் குழம்பு (Najil Fish Curry)

தேவையானவை :

மீன் - 6 துண்டுகள்

புளி - சின்ன எலுமிச்சம் பழ அளவு

வறுத்து அரைக்க தேவையானவை :

தேங்காய் துருவல் - 1/4 கப்

பெரிய வெங்காயம் - 1

மல்லி விதைகள் - 3 டேபிள் ஸ்பூன்

காய்ந்த மிளகாய் - 10

பெருஞ்சீரகம் - 1 டேபிள் ஸ்பூன்

மிளகு - 1 டீஸ்பூன்

கறிவேப்பிலை - ஒரு பிடி

தாளிக்க தேவையானவை :

எண்ணெய் - 1 டேபிள் ஸ்பூன்

வெந்தயம் - 1 டீஸ்பூன்

செய்முறை:

1.புளியை தண்ணீரில் ஊறவைத்து புளிதண்ணீர் எடுத்துக்கொள்ளவும்.அதனுடன் ஒரு கொத்து  கறிவேப்பிலை மற்றும் இரண்டு பச்சை மிளகாய்களை நீள வாக்கில் நறுக்கி சேர்த்துக் கலக்கி வைத்துக் கொள்ளவும்.

2.பெருஞ்சீரகம்,மல்லி ,மிளகு,காய்ந்த மிளகாய், இரண்டு நெட்டு கறிவேப்பிலை இவற்றுடன் ஒரு பெரிய வெங்காயத்தை சிறு துண்டுகளாக நறுக்கி வைத்துக் கொள்ளவும்.தேங்காயை சிறு துருவல்களாக துருவி எடுத்துக் கொள்ளவும்.

3.வாணலியில் அரை ஸ்பூன் எண்ணெய் விட்டு தேங்காய் துருவலையும் இதர பொருட்களையும் சேர்த்து வறுத்துக் கொள்ளவும்.தேங்காய் நன்கு பொன்னிறமாக பொலபொலவென ஆகும் வரை வறுக்க வேண்டும்.இதை 5 நிமிடங்கள் ஆற வைத்து பின் மிக்ஸியில் இட்டு நீர் விடாமல் நன்கு பொடித்துக் கொள்ளவும்.அதன் பின்னர் அரை கப் நீர் சேர்த்து நன்றாக மை போல் அரைத்துக் கொள்ளவும்.

4.கரைத்து வைத்துள்ள புளிக்கரைசலுடன் இந்த விழுதை சேர்த்து தேவையான உப்பு போட்டு நன்றாக கலக்கி வைத்துக் கொள்ளவும்.வாணலியை அடுப்பில் வைத்து அரை கரண்டி எண்ணெய் விட்டு சூடானதும் வெந்தயத்தை இட்டு தாளித்துக் கொள்ளவும்.வெந்தயம் பொன்னிறமானதும் கரைத்து வைத்துள்ள குழம்புக்கலவையை ஊற்றவும்.குழம்பு கொதிக்க ஆரம்பித்ததும் மீன் துண்டுகளை சேர்க்கவும்.மூடியை சிறிது திறந்திருக்குமாறு மூடி 10 நிமிடங்கள் சிமிழில் வேக விடவும்.